स्रष्टा डा. ऋषिप्रसाद बरालको \'सत्ता र संस्कार\' नामक पुस्तकको बिहीबार राजधानीमा विमोचन गरिएको छ । अक्सफोर्ड इन्टरनेसनल पब्लिकेसन प्रालिद्धारा आयोजित समारोहमा एकीकृत नेकपा -माओवादी) का केन्द्रीय सदस्य अनिल शर्मा -विरही) र कलाकार माइला लामाले संयुक्तरुपमा पुस्तक विमोचन गर्नुभएको थियो ।

सदस्य शर्माले विमोचित पुस्तकले जनयुद्धको बेला फेरिएको संस्कृति र बहुलवादको खतराका विषयमा कुरा उठाएको बताउनुभयो भने कलाकार लामाले पुस्तकले जनयुद्धका बेला जनतालाई बाँडेका सपना पूरा भए कि भएनन् भनेर बहस गर्न मार्गनिर्देश गरेको बताउनुभयो ।

आयोजक संस्थाका अध्यक्ष डोलिन्द्रप्रसाद शर्माको अध्यक्षतामा भएको स्रष्टा डा. बरालले आफ्नो २१ औं कृतिका रुपमा आएको विमोचित पुस्तक विगतको जनयुद्धमा नेपालीले लडेको लडाईँको दस्तावेज भएको चर्चा गर्नुभएको थियो ।
समालोचक जगदीशचन्द्र भण्डारीले पुस्तकको पहिलोचरण जनयुद्धको सौन्दर्यशास्त्र र दोस्रो चरणमा सांस्कृतिक आन्दोलनमा आएका विचलनहरुलाई व्यापकरुपमा उठाइएको बताउनुभयो ।