देवकोटा स्मृति भवन भद्रपुरद्वारा शनिबार भद्रपुरमा आयोजित समारोहमा पुनरावेदन अदालत धनकुटाका न्यायाधीश शेषराज शिवाकोटीले \'जुही डा. हृषिकेश उपाध्याय विशेषाङ्क\' लोकार्पण गर्नुभयो ।

साथै समारोहमा हाँस्य-व्यङ्ग्यकार डम्बर घिमिरेले \'जुही रोहिणी विलास लुईँटेल विशेषाङ्क\' र घनश्याम स्मृति प्रतिष्ठान चन्द्रगढीका अध्यक्ष श्रीमती नवकुमारी खनालले राधिका रायाद्वारा लिखित \'आत्मकथाः विविध\' कृतिको लोकार्पण गर्नुभयो ।

साहित्यिक पत्रकार शिवाकोटीले अग्रज साहित्यकार एवम् पत्रकार चूडामणि रेग्मीको नाममा आफूले भाषा सेवा, स्रष्टा सम्मान र साहित्यिक पत्रकारिता क्षेत्रका लागि पुरस्कार स्थापना गर्ने जानकारी दिनुभयो ।